amtal marribia

إيدك منك وخا تكون مجدام*
كل خنفوسة عند يماها غزالة، يقال في حب الأم لوليدها*.
اللي حب الحوت إي فزك سروالو، يقال لمن أراد شيئا أن يستعد له*
اللهم لعمش ولا العمى، في الاختيار بين أمران أحلاهما مر.
اللسان ما فيه عضم، يقال في ضرورة الاحتراس من التسرع في الكلام*
اعمل ما اعمل جارك ولا حول باب دارك*
إلى غلبك بالجديد غلبهم بالصابون، في النظافة وحسن الاعتناء*
كل بشهوتك ولبس بشهوتك الناس*
إلبس قد ما يواتيك، في ضرورة التواضع*.
بالمال ولاو الشمايت رجالة*
الله ينجيك من المشتاق إذا فاق ومن البايرة إلا ضربت الصداق*
تعلى العين حتى تعيا والحاجب فوقها، في التعالي*
إلا كنت رزمة دق وإلى كنت وتاد صبر للدق*
لا حبيب إلا حبيب الشدة،*
معا من شفتك ما من شبهتك*
ضرب لحديد ما حدو سخون، في ضرورة الإسراع في عمل واغتنام* الفرص
ضرب الحطب ما حدو رطب، في اغتنام الفرص*
حرنا في اللي حبونا أما اللي كرهونا داروا فينا خير*
لا تشري حتى تقلب ولا تصاحب حتى تجرب*
اللي ما عندو سيده عند للاه*
امدح صاحبك مع الناس ولومه الراس فالراس *
اللي ما حمد الله على خبزة كيحمدو على نصها*
الليل بودينتو والنهار بعيونتو*
لي خلص دينو شبع*
ولعمش فدار العميان كيتسمى مكحول لعيون*
اللي ما بغاتو اللا ميمونة بغاه الكريم مولانا*
اللي شلاغمو من الحلفة ما يسوط على النار*
كل فولة خامجة كيجيب لها الله فروج عور*
اللي ما قدرت تكون نجمة في السما تكون شمعة في الدار*
اللهم الشفار ولا مرا مبذرة فالدار*
إلى طليقتها ما توري ليها باب دار باها*
الرجل المطلق دوز على قبرو ولا تدوز على دارو*
أش يولد الفار غير الحفار*
لي مات باه يوسد الركبة ولي ماتت لو موه يوسد العتبة
رَاجْلِي عْلَى سَبِّه، طْلْقْنْي عَلَى حْزْقَة
سْلّمْ عْلَى الْعَرْبِي تْخْسَرْ خُبْزَة
سَيْفْطْنَاهَا تْجِيبْ الْقَصْبُورْ، جَاتْ حَامْلَة بَسَبْعْ شْهُورْ.
مَامَاتْشْ غِيرْ خْرْجُ مْصِيرْنَاتُو
مَاكَايْنْ وَالُو غِيرْ مْرَا غَرْقَاتْ
كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة.
لاَ وْجْهْ لِلسَّعَايَة، لاَ دْرَاعْ لِلْخْدْمَه
مْشَا يَخْطْبْهَا لُو دَّاهَا لُو
الرَّيْ دَبَّا عْمَّارْ، بَاعْ الدَّارْ وْشَرَا الْحْمَارْ
الفْقِيهْ الِّلي كْنَّا نَرْجَاوْ بَرَاكْتُو صْبْنَاهْ فِالجَّامْعْ يَشْطَحْ بِبَلْغْتُو
سيدي الفقيه يْدُّو فِالدَّوايَة وعَيْنُه تَتْغْمْزْ
الفقيه حُمْيان قْرَا فَالْبْرَا سَبْع أيَّام وقالْهُم هَذْ الخَطْ عْيَّانْ.
صْلاَةْ القُيَّادْ الجُمْعَة والْعْيَادْ.
عِيشَه تْبِيعْ الزِّيتْ، وحْمُّو ناعْس فِالْبِيتْ
عْطِينِي بْنْتْك، وْزِيدِينِي عَوْلَتْهَا كَّمْحْ
الله يْجِيبْ اللِّي يَحْسْنْ بِنَا، يْعْطِينَا بْنْتُو وْيَخْدَمْ عْلِينَا
النِّاسْ كَتْغْلْبُو وْهُوَ كَيْغْلْبْ عَيْشَه خْتُو.
اللِّي خَانْهَا دْرَاعْهَا تْقُولْ مْسْحُورَة.
النَّاس فِالنَّاس والْقَرْعة فْنْتِيفْ الرَّاسْ
عَشْرَة دْالْعْسَارَى مَا يْكْتْفُو شِي الدْجَاجَة
كُلْ فُولَه خَامْجَة تَيْجِيبْ لِهَا الله فَرُّوجْ عْوْرْ
اللِّي طَيْبَتُو الْعَمْشَا، يَاكْلُو رَاجْلْهَا.
بَشْحَالْ الْقَوْس أَمُولْ الْقَوْس؟ دَابَا يْحْيِيكْ الله وَتْشْرِيه بْلاَ فْلُوسْ.
الزَّلْطْ والتّفْرْعِينْ بْحَالْ دَبَّانْ الزَّبّابْلْ
الكَيْ فَالبْغَالْ وَالْحْمِيرْ مَالْهَا تْزَعْرَطْ
وَاشْ الْحْمَارْ كَيْعْرَفْ مُولاَيْ ادْرِيسْ
لُوْ كَانْ الْخُوخْ يْدَاوِي، يْدَاوِي دُودُو.
كُولْ التّبْنْ وَامْسْحْ فُمّكْ بالسّمْنْ وْدُوزْ عْلَى عْدُوكْ مْصَبَّنْ
عَلّفِيهْ عَامْ مَا يْشَبّعْكْ لِيلَة
الثَّوْرْ الْعَيَّافْ يْشْرْبْ الْغَيْسْ
الْمَدْسُوسَة تْهَرَّسْ الْمَحْرَاثْ
مْشِيتِي عِنْدْ الْبَايْرَة تْسْحْرْ لِيكْ
لِوْلْدَتْ لِيهْ مُّو فْغُولْ مَعَنْدْ بُوهْ مَا يْكُولْ
لولدت ليه مو فغول معند بوه ما يدير
فْعْشّنَا وَنْشّنَا
فْعْشّنَا وْجْرَى عْلِينَا
لو فيها خير ما رماها الطير
لا خلاص الحمام لا كسوة العيد.
السرج المزيان هو اللي كايسوسو مولاه
جلدا وما يندا
الكيس ف الرجال ميزانو عينيه
خاتم وحدة ما تروم لجوج صباع..
عشرة في عقل.
كلامكم يا البرابر قولوه وعاودوه.
لو كان غير بالدعاوي، كون بياض الكناوي.
على قلة الوالي، نقول للضراوي خالي.
بحال اللي كايحسن لولاد اليهود لا أجر لا منفعة.
بحال مزلوط اليهود، لا دنيا لا آخرة.
جا لوسط الملاح، وقال ألعاشقين في النبي صلوا عليه.
سير مع اليهود، وخلي الجيران شهود.
مات يهودي في الملاح.
كل طعام اليهودي، ونعس فـ فراش النصراني.
الثقل والعقبة والحمار يهودي.
الربعة د اليهود.
خسارة فاليهودي عينيه.
بحال مقابر اليهود، البيوضا وقلة الرحمة.
عندها ساق عجمية، وسالف يهودية.
طاحت البصلة في الملاح.
بحال عاتق اليهود، زوجوني ولا نسلم.
بحال اللي دافع اليهودي للجامع.
السراغنة قل الناس، ومسيوة قل وقل.
من بني مرين وبني وطاس، ما بقاو ناس.
الصغير فيهم كايعمي، بحال أولاد ابن الاحمر.
جا لبلاد فليو، وامرض بالرواح.
بحال اللي كايخو الما على القرعة.
بحال اللي كيعطي الجوهر للدجاج.
الله ينعل اللي يتيق، حتى فخوه الشقيق.
طبيب سلاوي، ما يجرح ما يداوي.
بالحفا والجفا، بحال خدام الشرفا.
طاجين الشمايت، النصبا وقلة ليدام.
خلي الزنا والسرقا، ودير مابقا.
دير ما دارك جارك، ولا بدل باب دارك.
حط حمارك مع الحمير، يتعلم الشهيق والنهيق، وخرجان الطريق.
بحال العجوزة، إلا ما هدرات تهز راسها.
تيقرا البرا من قفاتها.
حسن ليه بلا ما.
خسارة على النوار فالدفلة، والدفلة مرة.
احمر يا المشكورة، دبحو الجرو وصلاو على الهيدورة.
الحر بالغمزة، والعبد بالدبزة.
اللي حب الخدم، لا بد يندم، لا سيفة زينة لا قلب مسلم.
الشلح إلا تبلد، بحال البندير إلا تجلد.
بحال مول الفران، وجهو للنار، وظهرو للعار.
الهدرا بلا زيادة، بحال الموت بلا شهادة.
الخادم باللثام، بحال الحمارة باللجام.
السوسي المرا والتجارا، العروبي المرا والحمارا، والمديني المرا والخسارة.
طاح الحك فالما، وصاب غطاه تما.
داقو سعيد، وجاه لذيذ، وحلف حتى يزيد.
الشاشية قد الراس.
قال الفيلالي، ولو طارت معزا.
على من كتقرا زابورك أداود.
إلى شبعت كل الرمان ويلى جعت كل الرمان
الضر المنعوت اللبن والحوت
طيب الباكورة باختها
الدراري ما كلتهم تجارة وكسوتهم خسارة
إلى روات الصحرا الله يهنيك آلغرب
إلى صبت في الليالي افرح يا عيالي
إلى هاج البحر كيعيط للشتا
اللي بغا الوضوء الدايم يتوضا بالما السخون في الصمايم
شاري من تحت شاري من سخط الباري.
وخا يرجع بوركراك حليب، والرملة زبيب، ما يرجع الرباطي للسلاوي حبيب.
آ المبيض من برا آش خبارك من داخل؟
اللي حب الصح يمشي للقرويين.
آش خصك آ العريان؟ الخاتم آ مولاي.
آ الشاري تفكر يوم تبيع!
الثلث الخالي في الدنيا هو راس بنادم
قال له: آش صنعة باك؟ قال له: نفار. قال له: حمد الله على رمضان تقاضى.
النهار بعويناته والليل بوديناته.
إلا فاتك الطعام، قل شبعت إلا فاتك الكلام، قل سمعت.
نهيه، نهيه، إلا عما سر وخليه.
إلا طردك البخيل، عند الكريم تبات.
المرا اللي تطوف ما تغزل صوف.
لا خير في المرا اللي تجول ولا في الرجل اللي ما يجول.
ما بعد الأم حبيب، ما بعد الجوع طليب.
اللي ما عندها بنتها تدفن راسها في حياتها.
إلا حلفوا فيك الرجال بات ناعس. إلا حلفوا فيك النسا بات فايق.
كيد النسا قوي وكيد الشيطان ضعيف.
كل مرا راقدة على حجرة وذليلة النسا هي اللي تقول "أح".
اللي شتيها بسعدها اعرف كاتكمل من عندها.
طاعة النسا كاتدخل للنار.
شاور مراتك واعمل ريك، شاور مراتك وخالف ريها.
حلفت العروسة ما تحب الحما حتى تبياض الفحمة.
الحما وجه الدلو هي حرة وولدها حلو.
النوطة كا تحب النوطة غير حمقا أو مزلوطة.
المرا كاتهرب من الشيب كيف النعجة من الذيب.
اللي كايعمله يبليس في عام كاتعمله العكوزة في ساعة.
إلا شفتي الشارفة بالتصبيح اعرفها شيطانة بالتصحيح.
للا زينه وزادها نور الحمام للا مليحه وزادتها الترويحه
الزين الفاخر، الشفايف والمناخر
الزين زين ورده، والسعد سعد قردة
كال لو آش المعمول يا قاضي فعيشه، كال لو طلقها وانا ناخدها.
فين يماك أجحا؟ مشات تصبن وديالها؟ كرات عليه
راكب على حمارو، وتيقلب عليه
ماشيه لعند المطلقه تسحر لك.
كن كان الحمام يبيض، كن بيض قبابو
سل الحاجبة توريك
ماتت الخادم د القاضي فالعزا ما بقا حد، مات القاضي ماجا حد.
فين ما تشوف الطويل كيجري، اعرف القصير مسخرو.
ثلاثه د المطارق غادي يحمقوني، ما عرفتش آش نلقى ليهم: طامو تقول قْيِّمْ أو طْلاَقْ، ربي يقول صلي أو نْحْرْاقْ، المخزن يقول خلص أو نْشْنَاق.
لو كان نخافو من النعاج ما نلبسوشي صوفها.
كال لو أنا عبدك، كال لو زيد بنا للسوق
عطيني فمك ناكل به الشوك
عطيني حمارك نحش عليه لحماري
أجي يا مي نوريك دار خوالي
إلا عييتي أميمونة أجي تنقلي الحجر
خودو يا ولادي خبزة خبزة وعطيو لباكم نص نص.
يصبر مول الغاسول
إلا فاتك الكار شد فالمزرار.
ملاغة بْلاَّرجْ جا يضحك مع ولدو عَوْرُو
كان راجلي وصبحت نعشق
اللي خلاه الجدري، كملو بوحمرون
المذبوحه عيرت المسلوخة كالت لها: يا مقطوعة الراس.
بغا يضرب الكرمه، خطا الجنان
حيدو من اللحيه ودارو فالشاربحتى شاب عاد دارو لو لحجاب
عيشه عند الناس، والنسا عند عيشه
عندك شِي دْمِيعَاتْ زايْدين كَرْكَبْهُمْ لِيَّ
أنا وحْمَاتي كَنْبْكِيوْ مْنْ عَيْن وَحْدَه
الله يرحمني عاد يرحم والدي.
حتى في الحْمّامْ مْرُوبْلَة، لا طَاسَة، لا مْشْطَه ولا غاسُول
بحال الخياطة الحمقه، فين المقص، فين الحلق
السوق حامي والدّْلاَّلْ رامي والشاري عْوْرْ
الحنة حْرْشِة والمَاشْطَة عَمْشَة والعروسة فيها بُوهْزْهَازْ.
فالخْلْطَة والزّحَامْ جابو القاضي يَتْخَتَّنْ.
إِلاَ الضّبْعْ وَلَّى حَجَّام، حَتَّى البُومَة تَرْجْعْ طْبِيبَة
وَاحْدْ كَالْ الفُولْ وْوَاحْدْ تَنْفْخْ بِهْ.
الكْنَازَة كْبِيرَه والْميتْ فَارْ